အသည်းရောင်အသားဝါစီရောဂါ (Hepatitis C Infection)

အသည်းရောင် စီ ရောဂါ ဟာလည်း အသည်းရောင် ဘီ ရောဂါ နည်းတူ ကူးစက်မှု များနေဆဲ ရောဂါ တစ်မျိုး ဖြစ်ပါတယ်.. အသည်းရောင် စီပိုး ကို ၁၉၇၀ ခုနှစ် က စတင် တွေ့ရှိ ခဲ့ပြီး အေမဟုတ် ဘီမဟုတ် ပိုး (Non-A Non-B virus) ဟု ခေါ်ဝေါ် ခဲ့ပါတယ်.. ၁၉၈၉ ခုနှစ် မှာ စီပိုး ဟု အမည် ပြောင်းလဲ အတည် ပြုခဲ့ ပါတယ်.. ကမ္ဘာ တစ်ဝှမ်း လူဦးရေ သန်း ၂၇၀ မှ ၃၀၀ ခန့် ကူးစက် ခံနေရ ကြောင်း ခန့်မှန်း ထားပါတယ်.. အမေရိက တွင် အသည်း အစား ထိုး လဲလှယ် သူများ ရဲ့ အဓိက အကြောင်း မှာ အသည်း ရောင်စီပိုး ကြောင့် ဖြစ်ပါတယ်...

အသည်းရောင် စီ ဗိုင်းရပ်စ် ပိုးဟာ အသည်းရောင် အေ၊ ဘီ ပိုးတို့ နဲ့ မတူဘဲ အုပ်စု ကွဲပြား ခြားနား ပါတယ်.. စီပိုး ဟာ Flaviviridae အုပ်စု ၀င်ဖြစ် ပြီး RNA ဗိုင်းရပ်စ် ဖြစ်ပါတယ်.. Flaviviridae အုပ်စု ၀င် အခြား ဗိုင်းရပ်စ် ပိုးများ ကတော့ သွေးလွန် တုပ်ကွေး ဖြစ်စေ တဲ့ဗိုင်းရပ်စ် (Dengue virus) နဲ့ Yellow Fever virus တို့ ဖြစ်ပါတယ်.. စီပိုး ရဲ့ အပေါ်ယံ လွှာမှာ အင်ဇိုင်း နဲ့ ပရိုတိန်း ပါဝင်ပြီး ၎င်းတို့ ဟာ ခန္ဓာကိုယ် ဆဲလ် များ (အထူး သဖြင့် အသည်း ဆဲလ်) အတွင်းတွင် ပွားများ တတ်ကြ ပါတယ်.. စီပိုး တွင် မျိုးကွဲ (Genotype) (၆)မျိုး ရှိပြီး ၁ မှ ၆ ထိ ခေါ်ဝေါ် သတ်မှတ် ပါတယ်.. မျိုးကွဲ များ မတူညီ မှုပေါ် မူတည် ပြီး ကုသ မှုပျောက် ကင်းနိုင် စွမ်းလည်း ကွာခြား တတ်ပါတယ်.. အမေရိက တွင် အသည်းရောင် စီပိုး ကူးစက် ခံရ သူများရဲ့ ၈၀% ဟာ မျိုးကွဲ ၁ (Genotype 1) ဖြစ်ပြီး ကျန် ၂၀% ကသာ အခြား မျိုးကွဲ များ ဖြစ်ကြ ပါတယ်.. အရှေ့ အလယ် ပိုင်းနဲ့ အာဖ ရိက နိုင်ငံ များမှာ တော့ မျိုးကွဲ ၄ (Genotype 4) အတွေ့ များပါတယ်..

အသည်းရောင် စီပိုး ကူးစက် ခံရ ပါက ဘီပိုး နဲ့ မတူ တဲ့ အချက် မှာ ခန္ဓာကိုယ် ခုခံမှု စနစ် (Immune System) က စီပိုး ကင်းစင် အောင် မတိုက် ထုတ်နိုင် ခြင်းပဲ ဖြစ်ပါတယ်.. ဒါ့ကြောင့် စီပိုး ကူးစက် ခံရ ပြီဆို ရင် အားလုံး လိုလို နာတာ ရှည်ပိုး သယ်ဆောင် သူ ဖြစ်လာ ကြပါတယ်.. လတ်တလော ကူးစက် ခံရ သူများ ရဲ့ ၆၀% မှ ၇၀% ဟာ ရောဂါ လက္ခဏာ ပြသ မှု မရှိ ကြပါဘူး.. အချို့ မှာသာ တုပ်ကွေး ကဲ့သို့ ဖျားနာ ကိုက်ခဲ ခြင်း၊ နုံးခွေ လာခြင်း၊ အစာ မစား ချင်ခြင်း၊ ဗိုက်နာ ခြင်း၊ အသား ၀ါလာခြင်း တို့ ဖြစ်ပေါ် တတ်ပါတယ်.. စီပိုး ကူးစက် ခံရပြီး (၆)လ ကျော်ပါက နာတာရှည် ပိုးသယ် ဆောင်သူ အဖြစ် သတ်မှတ် ပါတယ်.. လတ်တလော သုတေ သနပြု တွေ့ရှိ ချက်များ အရ စီပိုး ကူးစက် ခံရ ပြီး မကု သသူ နာ တာရှည် ပိုးသယ် ဆောင် အသည်း ရောင် သူများ၏ သုံးပုံ တစ်ပုံ ခန့်မှာ နှစ် ၂၀ အတွင်း အသည်း ခြောက်ရော ဂါ ဖြစ်ပွား တတ်ကြောင်း တွေ့ရှိ ရပါတယ်.. နောက်ထပ် သုံးပုံ တစ်ပုံ ကတော့ နှစ် ၃၀ အတွင်း ဖြစ်ပွား တတ်ပြီး ကျန် သုံးပုံ တစ်ပုံ ကတော့ သူတို့ သက်တမ်း တစ်လျှောက် အသည်း ခြောက်ရော ဂါ ဖြစ်ပွား ခြင်းမရှိ ပဲ နေထိုင် နိုင်ကြောင်း တွေ့ရှိ ရပါတယ်..

ကူးစက် မှုအများ ဆုံး နည်းလမ်း မှာ အဓိက သွေးမှ တစ်ဆင့် ကူးစက် ခံရ ခြင်း ဖြစ်ပါတယ်.. ရောဂါ ပိုးပါသော သွေးသွင်း မိခြင်း၊ ရောဂါပိုးပါသော မသန့်ရှင်း သော ဆေးထိုး ပြွန် ဆေးထိုး အပ် သုံးခြင်း၊ သေချာ စွာ ပိုးသတ် မှု မရှိသော ဆေးခန်း သုံး- ဆေးရုံ သုံး ပစ္စည်း များ အသုံး ပြုခြင်း (ဥပမာ- ကျောက်ကပ် ဆေးစက်၊ သွားနှုတ် ကိရိယာ၊ .....)၊ ရောဂါ ပိုးပါ သော ကိရိယာ တို့ဖြင့် ဆေးမင် ကြောင်ထိုး - ဓါတ်အပ် စိုက်ခြင်း၊ ကိုယ်ဝန် ဆောင် မိခင် မှ ကလေး သို့ ကူးစက် ခြင်းအစ ရှိသဖြင့် ဖြစ်ပါတယ်.. လိင်ဆက် ဆံခြင်း မှ ကူးစက် မှုမှာ နည်းပါး ပါတယ်.. လိင်မှ တစ်ဆင့် ကူးစက် တတ်သော အခြား ရောဂါ များ (ဥပမာ- ဆစ်ဖလစ်၊ ဂနို၊ ကလာ မိုင်ဒီးယား ...) ရှိ မှသာ သွေးထွက် နိုင်ခြေ ရှိတာ ကြောင့် ကူးစက် နိုင် ပါတယ်..

ရောဂါ စစ်ဆေး မှု အနေဖြင့် တွင်ကျယ် စွာအသုံး ပြုနိုင် သည့်နည်း မှာ စီပိုး အန်တီ ဘော်ဒီ (Anti-HCV) Rapid Test ဖြစ်ပါတယ်.. Anti-HCV (+) စစ်ဆေး တွေ့ရှိ ခြင်းဟာ စီပိုး ၀င်ရောက် ဖူးခြင်းကို ပြသ တာဖြစ်ပြီး လတ် တလော စီပိုး အခြေ အနေ ကို မသိ နိုင်ပါ.. ဒါ့ကြောင့် လတ်တလော စီပိုး အခြေ အနေ ကို သိရန် မော်လီကျူလာ နူကလစ် အက်စစ် စစ်ဆေး ခြင်း (Molecular Nucleic Acid Testing) နည်းများ ဖြစ်တဲ့ Polymerase Chain Reaction (PCR)၊ Transcription Mediated Amplification (TMA)၊ branch DNA (b-DNA) စသည့် နည်းများ ဟာ စီပိုး လတ်တလော ရှိနေ ကြောင်း ပြသ ရုံသာ မက ပိုးကောင်ရေ (HCV viral load) ကိုပါ သိရှိ နိုင်ပါတယ်.. ပိုးကောင်ရေ စစ်ဆေး ခြင်းဟာ ဆေးကုသ ရာမှာ လည်း ထိရောက်မှု ရှိမရှိ စစ်ဆေး ရာမှာ အသုံး ၀င်ပါတယ်..

ရောဂါ ကုသမှု အနေဖြင့် Pegylated Interferon alpha (PEGASYS^TM, PEG-Intron^TM) ထိုးဆေး ကို တစ်ပတ် တစ်ကြိမ်၊ Ribavirin ကို နေ့စဉ် သောက်ဆေး အနေဖြင့် နှစ်မျိုး တွဲ ကုသ နိုင်ပါတယ်.. ဆေးကု သခြင်းရဲ့ နောက် ဆက်တွဲ ဆေးဒဏ် များကတော့ ရိုးတွင်း ချဉ်ဆီ (Bone Marrow) မှ သွေးနီဥ သွေးဖြူဥ ထုတ်လုပ်မှု ကျဆင်း စေခြင်း ဖြစ်ပါတယ်.. ဒါ့ကြောင့် ဆေးကု နေစဉ် ကာလ အတွင်း သွေးနီဥ သွေးဖြူဥ အခြေ အနေ များကို အမြဲ စစ်ဆေး နေရပြီး လိုအပ်တဲ့ ဆေးဝါး များကို ထိုးနှံ ပေးနေ ရပါတယ်.. စီပိုး မျိုးကွဲ ပေါ် မူတည် ပြီး ကုသမှု အချိန် ကာလ လည်း ၂၄ ပတ် (သို့) ၄၈ ပတ် ကုသရ ပါတယ်.. ပျောက်ကင်း နိုင်စွမ်း အနေနဲ့ မျိုးကွဲ ၂ နဲ့ ၃ (Genotype 2 & 3) ကို (၂၄) ပတ် ကြာ ကုသ ပါက ၇၅% ၊ မျိုးကွဲ ၁ (Genotype 1) ကို (၄၈) ပတ်ကြာ ကုသ ပါက ၅၀%၊ မျိုးကွဲ ၄ (Genotype 4) ကို (၄၈) ပတ်ကြာ ကုသ ပါက ၆၅% အသီးသီး ပျောက်ကင်း နိုင်ကြောင်း တွေ့ရှိ ရပါတယ်.. မျိုးကွဲ ၆ (Genotype 6) အတွက် လည်း မျိုးကွဲ ၁ ကုထုံး အတိုင်း (၄၈) ပတ် ကြာ ကုသ ပြီး အချို့ သမားတော် များမှာ (၂၄) ပတ် ကုထုံး ဖြင့် ကုသပြီး ပျောက်ကင်း နိုင်စွမ်း ရှိမရှိ အဖြေ ရှာနေ ဆဲဖြစ် ပါတယ်.. အားလုံး ကိုခြုံ ပြီး ပြောရ ရင် ရောဂါ ပျောက်ကင်း နိုင်စွမ်း ဟာ ၅၁% ရှိပါတယ်.. ရောဂါ ပျောက်ကင်း နိုင်စွမ်း ဟာ အခြေ အနေ အမျိုးမျိုး ပေါ် မူတည် ပါတယ်.. စီပိုး မျိုးကွဲ အမျိုး အစား၊ ပိုးကောင်ရေ၊ အသည်း ဆဲလ် ထိခိုက် မှု အခြေ အနေ၊ လတ်တ လော ပိုးဝင်ပြီး ကုသ ခြင်းနဲ့ ပိုးဝင် ပြီး အချိန် ကြာမှ ကုသခြင်း ကွာခြားချက် အခြေ အနေ၊ လိင် ကွာခြားခြင်း၊ အသက် အရွယ် ကွာခြား ချက်၊ အသည်း ထိခိုက်ခြင်း ဖြစ်စေ တဲ့ အပြု အမူ အနေ အထိုင် စသည့် အချက်များ ပေါ် မူတည် ပါတယ်..

ရောဂါ ကာကွယ် ခြင်းအနေ နဲ့ မလို အပ်ပဲ သွေး သွင်းမှု မခံယူပဲ မဖြစ် မနေ လိုအပ် ပါက သေချာစွာ စစ်ဆေး ရန်၊ ဆေးထိုး ပိုက် ဆေးထိုး အပ်များ ကို မျှဝေ သုံးစွဲ ခြင်း မပြုရန်၊ မသန့်ရှင်းသော ကိရိယာ များဖြင့် ဆေးမင် ကြောင်ထိုး ခြင်း ဓါတ်အပ် စိုက်ခြင်း မပြု လုပ်ရန်၊ ဆေးဝန် ထမ်းများ အနေဖြင့် မတော် တဆ ထိခိုက် မှုဖြစ်စေ မည့် အပြု အမူ မျိုး ရှောင်ကြဉ် ရန် နဲ့ ကာကွယ် ထားရန်၊ လိင်ဆက် ဆံရာ တွင် အကာ အကွယ် ကွန်ဒုံး အသုံး ပြုရန်၊ သွားတိုက်တံ မုတ်ဆိတ် ရိပ်ဓါး လက်သည်း ညှပ် များကို မျှဝေ သုံးစွဲ ခြင်း မပြုရန် တို့ ဖြစ်ပါတယ်.. တစ်လင် တစ်မယား အိမ်ထောင် ရေး စောင့်ထိန်း သော စုံတွဲ များ အနေဖြင့် တစ်ဦးဦး တွင် စီပိုး ရှိပါက တာရှည် စွာ ကွန်ဒုံး အသုံး ပြုရန် မလို အပ်ကြောင်း ရောဂါ ကာကွယ် ထိန်းချုပ်ရေး စင်တာ (CDC) မှ ထုတ်ပြန် ထားပါတယ်.. သာမန် လက်ဆွဲ နှုတ်ဆက် ခြင်း၊ နမ်းရှုတ်ခြင်း၊ အတူ စားသုံး သွားလာ နေထိုင် ခြင်းတို့ ဖြင့် ရောဂါ ကူးစက် နိုင်ခြင်း မရှိပါ.. စားသောက် နေထိုင်မှု ပုံစံ အားဖြင့် အရက် နဲ့ အရက် အုပ်စု ၀င် (ဘီယာ၊ ထန်းရည်၊ ၀ိုင်) တို့ဟာ အသည်း အမာရွတ် ထင်ခြင်း အသည်း ခြောက်ခြင်း ဖြစ်လွယ် သဖြင့် ရှောင်ကြဉ် ရပါမယ်.. သံဓါတ် များသော အားဆေး၊ သံဓါတ် များသော အစား အစာ (နီသော အသား၊ အသည်း၊ ကလီစာ) များစွာ စားသုံး ခြင်းမှ ရှောင်ကြဉ် ရပါမယ်.. ဗိုက်တာ မင်စီ ဟာ အူမှ သံဓါတ် စုပ်ယူ မှု များစေ သဖြင့် များစွာ စားသုံး ခြင်းမှ ရှောင်ကြဉ် ရပါမယ်..

စီပိုး ကူးစက် ခံရ သူဟာ အခြား အေ ပိုး နဲ့ ဘီပိုး ကာကွယ်ဆေး များကို ထိုးနှံ ထားရ ပါမယ်.. ရောဂါ ပိုး နှစ်မျိုး ကူးစက် ခံရ ပါက အသည်း ခြောက်ခြင်း ပိုမို ဆိုးရွား စေလို့ နောက် တစ်မျိုး မကူးစက် စေရန် ကာကွယ် ရခြင်း ဖြစ်ပါတယ်.. ဒါ့ကြောင့် အသည်း ရောင်စီ ရောဂါ ပိုး ကူးစက် ခံရ ပါက တတ်ကျွမ်း သော ဆရာဝန် များနဲ့ တိုင်ပင် ကုသ ပြီး လိုက်နာ နေထိုင် စရာ များကို ဂရု စိုက်လိုက် နာနေထိုင် သင့်ပါ ကြောင်း ရေးသား လိုက်ရ ပါတယ်.. အာလုံး အသည်း ရောဂါ အပေါင်းမှ ကင်းဝေး ပြီး ကျန်းမာ ရွှင်လန်း နိုင်ပါစေ...။

This article is written by Dr. Win Thein.